Lífeyrir
Sjóðfélagar afla sér réttinda til eftirlauna sem og makalífeyris, barnalífeyris og örorkulífeyris með greiðslu iðgjalda.
Deildir Brúar lífeyrissjóðs
Sjóðfélögum í A og V deild er heimilt að hefja töku eftirlauna á milli 60 og 80 ára aldurs. Eftirlaunaréttindi þeirra eru mismunandi eftir því hvort þeir greiddu iðgjöld til sjóðsins fyrir 1. júní 2017 eða eftir þann tíma.
Sjóðfélagar í R, E og B deild sem eru orðnir 65 ára og hafa látið af störfum hjá sveitarfélagi eða stofnunum þess geta hafið töku lífeyris. Mögulegt er að hefja töku lífeyris fyrr ef sjóðfélagi hefur náð 95 ára reglunni, sem er samanlagður sjóðfélagaaldur og lífaldur.
Lífeyrisgreiðslur
Lífeyrisgreiðslur í A og V deild fylgja breytingum á vísitölu neysluverðs til verðtryggingar, sem hækkaði um 3,7% á árinu 2025. Lífeyrisgreiðslur í R deild, E deild og B deild fylgja breytingum á vísitölu lífeyrisskuldbindinga fyrir opinbera starfsmenn, sem hækkaði um 11,7% á árinu 2025.
Lífeyrisgreiðslur
Fjöldi lífeyrisþega
Það fjölgar ört í hópi lífeyrisþega hjá Brú meðal annars vegna nýrra R og E deildar í sjóðnum. Á árinu fjölgaði lífeyrisþegum um 10,9% og voru að meðaltali 18.095.
Meðalaldur
Meðalaldur lífeyrisþega eftir tegund lífeyris árið 2025
Tegund lífeyris
Ellilífeyrir er greiddur til æviloka í öllum deildum.
Makalífeyrir í A deild er greiddur til fimm ára eða þar til yngsta barn nær 22 ára aldri. Í V deild er makalífeyrir greiddur til tveggja ára eða þar til yngsta barn nær 18 ára aldri. Í B deild greiðist makalífeyrir ævilangt.
Barnalífeyrir er greiddur þar til barn verður 22 ára í A deild en 18 ára í V, R, E og B deild.
Örorkulífeyrir tekur mið af áunnum réttindum og miðast að lágmarki við 40% örorkumat í A deild, 50% örorkumat í V deild og 10% örorkumat í R deild, E deild og B deild.
Eftirlaun eru greidd til æviloka í öllum deildum
Fjöldi lífeyrisþega á árinu
Lífeyrisþegar sem fá greiddan ellilífeyri eru 71,8% af heildarfjölda lífeyrisþega. Hækkun frá fyrri árum má skýra með sameiningu Lífeyrissjóðs starfsmanna Reykjarvíkurborgar við sjóðinn í nýja deild, R deild og Lífeyrissjóð starfsmanna Akureyrarbæjar í nýja deild, E deild.
Lífeyrisbyrði
Fylgst er með útstreymi greidds lífeyris og innstreymi iðgjalda með því að skoða hlutfall lífeyrisgreiðslna af iðgjöldum. Ef hlutfallið er minna en 100% þýðir það að meira innstreymi er af iðgjöldum til sjóðsins heldur en sjóðurinn greiðir út sem lífeyri, þ.e. nettóinnstreymi fjármagns er til sjóðsins.
Fæðingarár lífeyrisþega
Grafið sýnir fjölda lífeyrisþega eftir fæðingarári og tegund lífeyris.